Herrero Franziska aus Birmenstorf
Hoi zäme! De Gwünn wär en Hommage a sMami (Franziska), wo sit ich uf de Wält bin (Marion) - hmm, jez merki grad dasi au scho 33 wirde - unglaublich vill Ziit i dere Chuchi verbringt! Sie staht am Herd, nebezue lauft de Bachofe und wenns höch chund schmeisst sie au na de Grill verusse ah um euisi Famile, inzwüsche Patchwork-Family, Fründe und Bekannte mit ihrem feine Geköch zverwöhne. Am Kuchitisch (de gseht mer nur Aasatzwiis wil das Kucheli soo munzig isch) liest sie ihri Heftli, sammlet Rezept, löst Kreuzworträtsel und füehrt ihres Huushaltsbüechli nache. Sie hät ihri Abläuf fang so optimiert, dass sie ganz genau weiss wo dBläch anestelle, wenn de Bachofe und de Herd glichziitig in Betrieb isch und ich ihre am Kuchitisch hilfe bim schnätzle! Als Zueschnätzler - äh Zueschauer - chame do nur stuune säg ich euch und darun möcht ich für Sie bzw. mit ihre das «Chuchi-Make-Over» günne. Warum sie ned sälber de Wettbewerb usfüllt fraged ehr euch jez sicher, darum da grad na dAntwort: Sie tuet eifach lieber (und au besser) Kuchigrät als Handys und PCs bediene ;-) Luged sie doch ah wie sie strahlet bim köcherle