Halli hallo liebs Argovialand. Mini wunderbari Frau und ich dörfe eus sit churzem Huusbesitzer nänne. Mir händ eus i mim Heimatdorf Wallbach AG e tolls Objekt chöne ergattere. I dem phantastische Dorf im Fricktal fühle mir eus pudelwohl und hoffe, dass mir do eusi kommendi Familie chöne verwurzle. Uf em Wäg zum Traumhuus lige no einigi steili Etappe vor eus. Mir händ sehr vil Idee, wie mir da bestehende ältere Huus einersits cha erhalte und andererseits nach eusne Vorstellige ine Oase vom Familiealäbe verwandle. Mini Frau isch e begnadeti Chöchin und verwöhnt sehr gärn Kollege und Familie mit Menüs. Mini Stärke lige eher bim Ässe als bim Choche ;) Aber au ich verbring als Meischter vom Gmües schipple viel Zeit i de Chuchi. Dorum stelle mir eus e modärni offeni Wohnchuchi vor. Wie meischtens im Läbe chunt do e wichtige Punkt is Spiel: Das liebe Geld. Leider sind mir nid so guet ufgstellt, dass mir die ganze Arbeite eifach us em Portokässeli chöne zahle. E neui gsponsereti Chuchi wär e grossi Hilf uf dere Reis. Also, liebs Argovialand, voted doch bitte für eus.
