Melanie Müller aus Aarau

Liebs Argovia- Team Ich be „T“, 1.5 Johr alt ond verzelle öich gärn paar Sache öber öises Bad. S grosse Dachfänster macht öises Bad us, aber leider tropft mer nachem bade s Kondänswasser emmer ofe Chopf, wel d Dichtige nöm guet send. De einzig Vorteil, das s Mami langsam grau wert esch, dasmer d Hoor am Bode den ändlech nöm gseht. Neusterdings wen de Papi dobe am dusche esch, chan i donde ide Chochi mini Füess bade wels ergendwo rönnt. Das wo mi aber am meiste närvt esch de Duschvorhang wo mi bem dusche emmer is Födli biisst. Wo mi Nonno das vor 37 Johr baue het, esch es top modern gsi. Veles us dere Ziit wert weder aktuell, aber öises Bad ghört leider ned dezue 🙈 Drom wörde ich ond mini Eltere öis mega fescht öber es nöis Bad fröie. Liebi Grüess „T“