Vor ned allzu langer Ziit händ d solzer Bure do ede Milchi in Sulz no flissig Melch abgeh, aber au als Treffponkt fört Dorfbewohner hets dient. Dor die ganz Entwicklig ide Landwirtschaft het t Milchi jedoch müesse schlüsse u isch inzwösche zu mim Dihei worde. Es Dihei woni met vel Eigeleistig aber au met Unterstützig vo de Familie u Frönde han chöne realisiere. Glichzitig esches mer aber au es alege de Bewohner vo Sulz weder e Platz chöne zschaffe wome zämechont u das im rahme vomene Beizli. Leider fehlt mir öbe au d Ziit, zom a mim Projekt wiiter zschaffe. Aber natürli esch au gut wemer s nötige Chligeld het zom sone Projekt z realisiere. Drom bewerb ich mech förs Voting fo dere Chochi damit Baustell vora chont u wör mi umso meh öber euri unterstützig freue. Damet Jong und Alt in Sulz en Treffponkt hend zom zäme eis go nä.
